2024 оны найм дахь удаагийн тусгай шалгалтыг зохион байгууллаа. Энэ удаагийн шалгалтад СУГ, СХЗХ, АЗДТГ, ГХБХБГ-ын 4 албан тушаалд 13 оролцогч шалгалт өгөв.
Тухайн байгууллагын дарга нар хөндлөнгийн хяналтаар комиссын бүрэлдэхүүнд ажиллалаа. Төрийн албаны зөвлөлийн Орхон аймаг дахь Салбар зөвлөл нь өнөөдрийн байдлаар төрийн албаны удирдах болон гүйцэтгэх албан тушаалын тусгай шалгалт зохион байгуулах хүсэлтийг 21 байгууллагын 35 сул албан тушаалын захиалгыг хүлээн авсан.

Тэдгээрийг холбогдох хууль, эрх зүйд нийцэж байгаад үнэлгээ хийн, төрийн өөр байгууллага, нэгж хооронд шилжин ажиллах зарыг нийтэд мэдээлсэнээс төрийн холбогдох бусад байгууллагад ажиллаж байгаа 7 төрийн жинхэнэ албан хаагчдыг шилжүүлэн томилоод байна.

Шилжүүлэх зараар нөхөгдөөгүй 28 сул орон тооны захиалгыг Төрийн албаны зөвлөлд 6 удаа хүргүүлсэн бөгөөд туслах түшмэлийн -1, дэс түшмэлийн 4, ахлах түшмэлийн -2 удаа Салбар зөвлөлийн тогтоолоор байгуулагдсан комисс тусгай шалгалтыг зохион байгуулсан. Үүнд 19 төрийн жинхэнэ албан хаагч болон төрийн жинхэнэ албаны нөөцөд бүртгэлтэй иргэд тэнцсэн.

Төрийн албаны салбар зөвлөлөөс тэнцсэн 19 оролцогчыг нэр дэвшүүлэн тухайн байгууллагуудад томилсон бөгөөд тогтоолын хэрэгжилтэд хяналт тавин ажиллаж байна гэж Орхон аймаг дахь Салбар зөвлөлөөс мэдээллээ. Тайлант хугацаанд 35 сул орон тооноос 77.4 хувь нь нөхөгдсөн байна.

Мэдээллийн төв