Аймгийн Цагдаагийн газрын Замын цагдаагийн тасгийн дарга, хошууч Х.Одбаяр:

Сар шинийн баярын өдрүүдэд Улаанбаатар хотоос Орхон, Булган, Хөвсгөл аймгийг чиглэх хөдөлгөөн нэмэгддэг. Орон нутгийн замд зорчих жолооч нар тээврийн хэрэгслийн бүрэн бүтэн байдлыг хангаж, замын хөдөлгөөний дүрмийн заалтуудыг орон нутгийн замд чанд мөрдөж хөдөлгөөнд оролцохыг хүсье. Энэ нь жолооч та өөрийн болон бусдын амь нас, эрүүл мэндийг эрсдэлд оруулахгүй байх хамгийн зөв алхам юм.

Мөн Зөрчлийн тухай хууль, Эрүүгийн тухай хуульд нэмэлт өөрчлөлт орсонтой холбоотойгоор согтуугаар тээврийн хэрэгсэл жолоодох зөрчил дээр хүлээлгэх хариуцлага нэмэгдсэн. Мэдээлэл дутмагаасаа болоод арга хэмжээ тооцуулах вий гэдгийг жолооч нартаа сануулья.
Архи согтууруулах ундаа хэрэглэсэн үедээ жолооны ард суухаас татгалзах хэрэгтэй. Монголчууд бид айргийг цагаан идээ гэж хэрэглэдэг. Гэвч үүнийг холбогдох хууль журамд хориглосон байдаг.

Цагдаагийн байгууллагаас өгч байгаа зөвлөмжийг дагаж хөдөлгөөнд оролцохыг нийт жолооч нараасаа хүсье.