Уран эгшиг урлагийн төрөлжсөн сургалттай ЕБС анх 2021 онд байгуулагдсан.Өнөөдрийн байдлаар 1-11-р ангийн 335 сурагчтай, 52 багш ажилтантай үйл ажиллагаагаа явуулж байна. Тус сургууль нийтдээ 350-400 сурагчтай байхаар төлөвлөгдсөн. Сурагчдын нас бие, сэтгэхүйн онцлог, хэрэгцээ сонирхол, авьяас чадварт үндэслэн хөгжим, дуу, бүжиг, жүжиг, уран зураг, дизайн, гар урлал зэрэг урлагийн 13 төрөлжсөн анги хичээллэж байна.“Уран эгшиг” сургууль нь ерөнхий боловсролын бусад сургуулийн нэгэн адил улсаас санхүүжиж, зэрэгцсэн хөтөлбөрөөр хичээллэдэг. Мэргэжлийн хичээл 7 хоногт 2 цагаар ордог байна.