Үйлчилгээний стандарт, ая тух, найрсаг байдлаараа дэлхийд тэргүүлэгч олон улсын сүлжээ GS25, CU салбар дэлгүүрүүд Монголд сүүлийн 5 жилд хурдацтайгаар нээгдэж байна. Эрдэнэтчүүд ч мөн адил CU, GS25 сүлжээ дэлгүүрийг хэзээ нээгдэх бол гэсэн хүлээлттэй байдаг. Өнөөдрийн байдлаар CU сүлжээ дэлгүүр нээх хүсэлт манай аймгаас гараагүй бол GS25 дэлгүүрийг ирэх 5 сардаа багтаан нээх хүсэлт гаргаж эрхээ авчээ. Ингэхдээ 3 салбарыг нэгэн зэрэг нээхээр бэлтгэл ажил хийгдэж байгаа юм байна.