"Уран эгшиг" урлагийн төрөлжсөн сургалттай ЕБС-ийг 2021 онд орон нутгаас анхлан байгуулж байсан.Тус сургууль нь үндэсний өв соёл, оюун санааны үнэт зүйлсийг эрхэмлэн, сонгодог болон уламжлалт урлагийг дээдлэн, гоо сайхны мэдрэмжтэй, бүтээлч сэтгэлгээтэй, өөртөө итгэлтэй, боловсролтой, ёс зүйтэй монгол иргэнийг бэлтгэх зорилготой юм. Өнөөдрийн байдлаар 1-12-р ангийн 350 гаруй сурагчтай, 52 багш ажилтантай, сурагчдын нас бие, сэтгэхүйн онцлог, хэрэгцээ сонирхол, авьяас чадварт үндэслэн хөгжим, дуу, бүжиг, жүжиг, уран зураг, дизайн, гар урлал зэрэг урлагийн 13 төрөлжсөн анги хичээллэж байна. Орон нутгийн төсвийн 15 сая төгрөгөөр 4 мэргэжлийн төгөлдөр хуур, 1 даралтат хөгжим олголоо.