Ахмад настанд Насны хишгийн тэтгэмжийг жилд хоёр удаа олгохоор журманд заасан байдаг. Тэгвэл сар шинийн баяр болох гэж буйтай холбогдуулан шинээр тус тэтгэмжид хамрагдах 65 нас хүрч байгаа ахмадуудыг цахим системээр орж бүртгүүлэн хүсэлтээ гаргахыг ХХҮГ- аас санууллаа. Одоогоор Орхон аймгийн хэмжээнд 4600 гаруй ахмадууд насны хишиг авдаг бол жилд дунджаар 150- 200 хүн шинээр бүртгүүлдэг байна.

Насны хишиг нь 65- 69 насны ахмадууд 50 мянга, 70-79 насны ахмадууд 80 мянга, 80-89 насны ахмадууд 150 мянга, 90 ба түүнээс дээш насны ахмадууд 250 мянган төгрөгийг жилдээ хоёр удаа авдаг байна.